Тетовската пожарна доби нова хидраулична опрема
Територијалната противпожарна единица Тетово од денеска на располагање има нова хидраулична опрема за интервенции по сообраќајки или во други случаи. Станува збор за хидраулични клешти за сечење, за подигнување возила и товар, како и хидрауличен растегнувач за одвојување материјали.
– Станува збор за најмодерна опрема што ретко кој ја има на Балканот, од производител Холмарто. До опремување на пожарната доаѓа по тешката сообраќајна на автобусот во Ласкарци кога се увиде потребата за ваква квалитетна опрема за поефикасно справување и извлекување на повредени. Опремата е набавена од Дирекцијата за заштита и спасување кои ни ја предаваат за стална употреба, изјави командирот на Тетовската пожарна, Ука Алити.
Вкупната вредност на трите апарати и останата придружна опрема и алати е 25 илјади евра.
– Опремата ќе биде во корист на граѓаните на нашата општина и околината, бидејќи ние покриваме поширок терен. На пример за сообраќајки реонот ни е од Ласкарци до граница на општина Гостивар. Ние сме обучени во рамки на операцијата Флоријан за работа со вакви апарати и затоа ги добивме меѓу првите во државата, рече Алити
Ново на Сител
-
Нападнат контролор на ЈСП „Скопје“
-
Осум министерства, Заводот за статистика и Државниот архив утре на протест
-
Украл куче па бегајќи го удрил сопственикот со возило
-
Шекеринска: Во овој понестабилен и поопасен свет, демократиите мора да преземат акција
-
Меџити: Имаме забелешки за работата на Илире Даути, но не поддржуваме иницијативи од Левица
-
Даути: Изгласаната интерпелација според заклучокот значи мое разрешување или дејствување под диктат на Левица и ВМРО-ДПМНЕ
-
Силен земјотрес со јачина од 6,9 степени го погоди југозападниот дел на Јапонија
-
Поскапуваат бензините и дизелот