Тетовец нелегално превезувал 14,5 килограми тутун, 1278 кутии цигари и машинки на правење цигари

СВР Тетово поднесе кривична пријава против Б.З.(65) од Тетово поради постоење основи на сомнение за сторено кривично дело „избегнување на плаќање акциза’’.

На 21.08.2025 на ул.„Маршал Тито“ во Тетово, полициски службеници извршиле преглед на патничко возило „фолксваген голф“, кое го управувал пријавениот, при што биле пронајдени и одземени 13 пакувања со вкупно 950 парчиња филтри, 17 кеси со по 500 грама тутун, 12 кутии со по 500 грама тутун, 1.278 кутии со по 20 цигари во кутија, 21 машинки за правење на цигари од тутун и 10 сим картички за кои не приложил соодветна документација дека ја има платено потребната акциза, ниту документација за потекло за стоката.