Тешко повреден патник во автобус во сообраќајка во Скопје
Патник во автобус бил потешко повреден во една од вкупно 13 сообраќајки што се случиле во текот на изминатиот ден на подрачјето на СВР Скопје. Во шест сообраќајки полесно биле повредени седум лица, а во шест била причинета материјална штета.
Од МВР информираат дека вчера сообраќајната полиција открила и санкционирала поголем број прекршоци. Десет возачи се движеле со брзина поголема од дозволената, двајца поминале на крстосница на црвено светло, тројца не дале првенство на минување на пешаци на обележан пешачки премин, 10 возачи за неправилно престројување, двајца возачи за неправилно престигнување, како и 10 возачи за некористење заштитен шлем.
Од сообраќај биле исклучени четворица возачи кои го управувале возилото под дејство на алкохол, 17 возачи пред да се стекнат со право на управување на моторно возило и шест возачи, како и две возила за претовар. Санкционирани биле и четворица пешаци кои поминале коловоз вон пешачки премин и тројца пешаци кои поминале коловоз на црвено светло. Затекнати биле 261 непрописно паркирано возило.
Со помош на специјалното возило пајак отстранети биле 57 возила.
Денеска Одделението за превенција при СВР Скопје во рамките на сообраќајно - воспитниот проект „Сообраќајна култура на децата во сообраќајот“ ќе реализира едукативна работилница со учениците од второ и четврто одделение во ООУ „Аврам Писевски“, кое се наоѓа во општина Карпош .
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра