Тешко повреден малолетник во сообраќајна несреќа помеѓу мопед и автомобил

На 27.07.2021 во 20.30 часот во Полициската станица Свети Николе било пријавено дека на крстосницата од улиците „Маршал Тито“, „Филип Втори“ и „11 Октомври“ во Свети Николе се случила сообраќајна незгода помеѓу мопед „априлиа“, со скопски регистарски ознаки, управувано од малолетник од Свети Николе и патничко возило „мазда“, со германски национални ознаки, управувано од И.Н.(29) од Свети Николе.

Во незгодата возачот на мопедот се здобил со тешки телесни повреди, а со телесни повреди се здобил сопатникот, констатирани во ЈЗУ Свети Николе. Извршен бил увид на местото на незгодата од увидна екипа од Полициската станица Свети Николе.