Тешкиот развод на родителите трајно го нарушува здравјето на детето

До ова откритие научниците дошле такашто намерно инфицирале со вирус на настинка 200 здрави возрасни лица (од кои 51 биле пораснати само со едниот родител, при што родителите меѓусебно не разговарале).

Потоа ги ставиле испитаниците во карантин на шест дена и чекале да видат кој од нив ќе се разболи.

Резултатите покажале дека децата на разведени родители кои меѓусебно не разговарале, имаат три пати поголем ризик да се разболат и во младоста и како возрасни. Од друга страна, кога разведените родители се во пристојни односи, ризикот од разболување не е ништо поголем отколку кај децата од успешните бракови.

„Тоа значи дека самото раздвојување од едниот родител не го зголемува ризикот, туку лошиот и грд развод“, вели Мајкл Марфи од универзитетот Карнеги Мелон.

Не постои идеален развод, но сигурно е дека многу работи зависат од тоа колку е тој стресен за детето. Научниците се согласуваат дека добрата комунукација и соработка помеѓу разведените родители е клучна за децата за да го пребродат овој тежок период со што помалку последици. За жал, во некои случаи тоа не е возможно, особено кога станува збор за семејно насилство.

Заклучок е дека во иднина треба да се посвети повеќе внимание на испитувањето на последиците од разводот и на начините да се намали ризикот за детското здравје.