Тешка сообраќајна несреќа кај Струга, има повредени

Рано утринава се случила тешка сообраќајна несреќа на патот Струга - Дебар. Како што информира полицијата, жител на струшкото село Ново Село бил тешко повреден во судир на два автомобила, ноќеска на регионалниот пат Струга-Дебар.

 

Според полицијата, сообраќајната несреќа се случила околу 3 часот кај крстосницата за село Ложани. Тогаш се судриле две „реноа“, едното управувано од Ш.И.(37) од село Ново село, другото управувано од А.Б.(24) од Велешта.

 

Во сообраќајката тешко бил повреден Ш.И., на кого  му  била  укажана лекарска помош во болницата „Св. Еразмо“ во Охрид.

 

Извршен е увид на местото на настанот.