Тешка сообраќајна несреќа кај Штип, има повредени

На регионалниот пат Штип-с.Карбинци вчера во 15:20 часот се случила сообраќајна незгода во која Г.М. (61) од Пробиштип управувајќи патничко моторно возило „Застава 128“ со штипски регистерски таблици изгубил контрола над возилото, по што возилото излетало од патот.

Во незгодата со тешки телесни повреди се здобила сопатничката Ј.М.(56) од Пробиштип по што и била укажана лекарска помош во Јавната здравствена установа-Штип. Увид на местото на настанот извршила увидна екипа од Секторот за внатрешни работи Штип.

Се работи на целосно расчистување на случајот.