Тешка сообраќајка кај Криволак - едно лице повредено

Тешка сообраќајна несреќа се случила вчера кај полигонот Криволак, едно лице е повредено. Како што стои во билтенот на МВР, вчера  во 18,30 часот на патот од с.Пепелиште кон армискиот полигон „Криволак“, во близина на бензинска пумпа, Н.С. (61) од с.Криволак, управувајќи мотоцикл „Shineray 125“ со велешки регистарски ознаки, изгубил контрола и излетал од патот. Н.С се здобил со тешки телесни повреди, по што со возило на Итна медицинска помош е пренесен во Општата болница Кавадарци. Увид на лице место извршила увидна екипа на ПС-Неготино.