Терористот од Париз Салах Абдеслам се уште е на слобода
Најбараниот човек во Европа, Салах Абдеслам, главниот осомничен за нападите во Париз, синоќа бил забележан од полицијата, но успеал да им избега. Тој најверојатно патува со автомобил БМВ кон границата на Германија, објави електронското издание на „Телеграф“.
Белгиските федерални обвинители синоќа признаа дека во операција на армијата и на полицијата вчера не е уапсен исламистот Абдеслам.
- Абдеслам бил забележан од полицијата во близина на градот Лиеж околу 19 часот и 30 минути, но успеал да избега, објави белгискиот весник „Дерниер јор“.
Весникот наведува дека Абдеслам се упатил кон Германија.
Во синоќешната акција било извршено претрес на 19 локации при што се уапсени 16 осомничени. Кај приведените не е пронајдено никакво оружје, ниту експлозив, па истражен судија денеска ќе одлучи дали тие ќе останат во притвор.
Белгиските власти се одлучија да го задржат нивото на тревога во Брисел на највисоко ниво поради можноста од напади, поради што ни денеска нема да работи подземната железница, а сите училишта во главниот град на Белгија ќе бидат затворени.
Ново на Сител
-
Почина Дикембе Мутомбо
-
Драма во Скопје: Маж со нож ги одзел децата од мајката во прифатен центар
-
Жена нападната од поранешниот партнер - Ја натепал и нејзината малолетна сестра
-
82-годишен дедо полово вознемирувал тројца малолетници
-
Еден од обвинетите за убиствата на Вања и Панче во тешка здравствена состојба е пренесен во болница
-
Изминатата недела 45 случаи на Ковид-19, починати две лица
-
Индустриското производство намалено за 3,6 отсто
-
Просечната каматна стапка на вкупните кредити 5,44%, а на депозитите 1,96%