Телетовиќ од Бруклин во Феникс

Капитенот на кошаркарската репрезентација на Босна и Херцеговина, Мирза Телетовиќ, кариерата во НБА лигата ќе ја продолжи во тимот на Феникс Санс. Телетовиќ потпишал едногодишен договор вреден 5,5 милиони долари.

 

Телетовиќ на 1.јули стана слободен агент, но не успеа да се договори со челниците на Бруклин да остане во овој тим, по што реши да ја прифати понудата на Феникс.

 

Крилниот центар три сезони беше играч на Бруклин, во минатото првенство одигра 40 натпревар, со просечен учинок од 8,5 поени и 4,9 скокови по натпревар.