Свет
8. May 2017 - 21:28

Телефонски разговор на Трамп и на Ердоган со новоизбраниот претседател на Франција

Претседателот на САД, Доналд Трамп денеска му ја честиташе победата на Емануел Макрон на пртседателските избори во Франција, соопшти Белата куќа.

- Трамп телефонски разговараше со избраниот претседател на Франција и му ја честита победата, изјави портпаролот на Белата куќа, Шон Спајсер.

Трамп синоќа по прогласувањето на победа на Макрон преку Твитер упати честитки.

- Честитки за Емануел Макрон на неговата голема победа на изборите за претседател на Франција. Многу се радувам на соработката со него, напиша Трамп на Твитер.

И претседателот на Турција, Реџеп Таип Ердоган денеска имаше телефонски разговор со Макрон,

Ердоган во телефонскиот разговор потенцирал дека победата на Макрон ја зголемува надежта во иднината на Европската унија.

Ердоган и Макрон се договориле да се сретнат на самитот на НАТО, што треба да се одржи кон крајот на месецот во Брисел.