Танкер кој пренесувал 900.000 литри дизел гориво е заробен и плови во индонезиските територијални води

Танкер, товарен со 900.000 литри дизел гориво, е заробен и плови по индонезиските територијални води, соопштија малезиските власти. 

Малезиската агенција за морепловство соопшти дека танкерот „Виер Хармони“ е заробен на водите покрај индонезискиот остров Батам. 

Се уште не е познато кој го извршил делото.

Вредноста  на товарот се проценува на околу 400.000 долари.