Тајванскиот Уставен суд ги озакони истополовите бракови
Тајван е првата азиска држава која ги озакони истополовите бракови, пренесоа француските медиуми, повикувајќи се на соопштение на Уставниот суд.
Судот смета дека делот од законот, што бракот го определува како сојуз меѓу маж и жена, ги нарушува уставните гаранции за еднакви права на луѓето.
Судот за противуставни ги прогласи нормите на Граѓанскиот кодекс, кои не дозволуваат на две лица од еден ист пол „да создадат постојан сојуз од интимна и исклучителна природа со цел да преземат обврски да водат заеднички живот“.
Согласно одлуката на Уставниот суд, овие делови од законот се во спротивност со слободата на луѓето да склучуваат брак (чл. 22 од тајванскиот Устав) и уставната гаранција за еднаквост пред законот (чл. 7 од тајванскиот Устав).
Во своите мотиви за одлуката Судот посочува дека слободата да стапиш во брак се состои од слободата „дали да стапиш во брак“ и „со кого ќе стапиш во брак“. Оваа автономија е суштествена за нормалниот развој на личноста и зачувување на човековото достоинство, образложи Уставниот суд на Тајван.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции