Тајани побара гарантирани права за граѓаните на ЕУ во Велика Британија по Брегзит
Претседателот на Европскиот Парламент, Антонио Тајани, и британскиот премиер, Тереза Меј, се едногласни дека правата на граѓаните на ЕУ, кои живеат во Обединетото кралство, треба да се гарантираат што е можно побрзо во преговорите за Брегзит, пренесоа американските медиуми.
Претседателот на ЕП денеска се сретна со Меј во нејзината резиденција на „Даунинг стрит“ 10, за да ги разгледаат целите на европратениците во преговорите, што се очекува да почнат по предвремените избори во Велика Британија, на 8 јуни.
Каков договор и да се постигне меѓу Лондон и 27-те земји членки на ЕУ, тој ќе треба да биде одобрен од Европарламентот.
- Сакаме да ги гарантираме правата на граѓаните, на европските граѓани кои живеат во Обединетото кралство, и на британските граѓани кои живеат во ЕУ. Тоа е најважната порака, рече Тајани по средбата со Меј.
„Ова беше добар почеток. Сега треба да пристапиме кон реализацијата“, додаде тој.
Ново на Сител
-
Гаши ја свика првата координација
-
Лидерите на Европскиот Фронт потпишаа декларација против „моноетничко владеење“
-
Деспотовски: Тој што ќе изгуби на изборите во СДСМ, да не прифаќа партиски функции
-
Мицотакис: Прашањето за Преспанскиот договор ќе го отворам на Самитот на НАТО
-
Матурантите кои препишуваа на испитот по мајчин јазик ќе полагаат пак во август
-
Детектор: Младинскиот активизам на незадоволително ниво
-
Колку пациенти добиле пролонгирање на хируршка интервенција?
-
Надоместок од 3000 денари за несовесните граѓани кои ги оштетуваат рампите