Тачи: Помина времето на меѓународните мисии во Косово
Времето на меѓународни мисии во Косово помина, изјави косовскиот претседател Хашим Тачи, кој тврди дека Еулекс треба да ги заврши своите активности кон средината на следната година.
- Во текот на наредното лето, ќе го видиме целосното завршување на сегашниот мандат на мисијата Еулекс. До сега зборувавме за транзиција, за намалување, а сега треба да зборуваме за завршната фаза, нагласи Тачи при обраќањето пред Косовските безбедносни сили во Приштина.
Тој оцени дека централните косовски институции успеале да ја консолидираат власта, „опфаќајќи го секој ќош“, но дека надвор се уште има „многу полиња“, меѓу кои ги наведе и меѓународните мисии.
- Еден неоправдан број меѓнародни мисии се уште функционирааат во Косово, создавајќи впечаток дека сме во многу ран стадиум на транзиција. Остануваме благодарни на меѓународната заедница за секое добро што му го донесоа на Косово, исто како што ја сметаме за одговорна и за сите пропусти и неуспеси, потенцираше Тачи.
Зборувајќи за Специјалниот суд за воени злосторства на припадниците на поранешната Ослободителна војска на Косово (ОВК), косовскиот претседател изјави дека формирањето на тоа тело го „наметнала“ меѓународната заедница.
Тој порача дека косовските институции не треба да си дозволат неуспех во исполнувањето на обврските и истовремено да ја обвинуваат Европската унија или меѓународната заедница.
- Нашите институции веќе три години не успеаваат да го ратификуваат Дооворот за демаркација на границата со Црна Гора. Така, не само што ја изгубивме битката со ЕУ, туку ја разнишавме и довербата на нашите стратешки меѓународни партнери, истакна Тачи.
Тој посочи дека истото може да се каже и за спроведувањето на Договорот за основање на Заедница на српски општини во Косово.
Ново на Сител
-
Реулаторна ќе објави нови цени на горивата
-
Почувствуван земјотрес во Хрватска
-
Мицотакис: Провокативна, незаконска и недозволива иницијатива од новата претседателка на Северна Македонија
-
Макроекономска и буџетска состојба на Еврозоната теми на средбата на Еврогрупата
-
Работни групи на ВМРО-ДПМНЕ и Вреди на преговори за идната влада
-
Народната банка ќе ги објави пролетните макроекономски проекции
-
Во Косово од денеска само евра, измина преодниот рок што го одреди Централната банка за динарите
-
Факти за Андреј Белоусов, новиот руски министер за одбрана