СЗО: Нема докази дека новата варијанта на коронавирусот се однесува поинаку
Светската здравствена организација денеска соопшти дека е запознаена со новата варијанта на коронавирусот, која се појави во Велика Британија, но дека нема докази дека овој вид се однесува поинаку од постојните видови на вирусот.
– Ние сме свесни за оваа генетска варијанта, која е пријавена кај 1.000 луѓе во Англија, рече директорот на програмата за СЗО за вонредни ситуации Мајк Рајан на брифинг со новинарите во Женева. Тој додаде дека официјалните лица го разгледуваат неговото значење.
– Видовме многу варијанти, овој вирус се развива и се менува со текот на времето, рече Рајан.
Претходно денеска британскиот министер за здравство Мет Хенкок изјави дека е идентификувана нова варијанта на коронавирусот. Според него, тоа може да го објасни скокот во случаите на југот на Англија, објави „Гардијан“.
Првичната анализа сугерира дека оваа варијанта се развива побрзо од постојните варијанти.
– Во моментов идентификувавме повеќе од 1.000 случаи со оваа варијанта, претежно во јужниот дел на Англија, иако се идентификувани такви случаи во скоро 60 различни локални области, и бројот рапидно расте, рече тој.
Хенкок рече дека е известена Светската здравствена организација.
Тој уште истакна дека здравствените експерти оценуваат дека е „многу неверојатно“ дека вакцината нема да функционира на новата варијанта, но дополни дека се прават дополнителни тестови за да се утврди евентуална резистентност.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден