СЗО: Европа повторно е во епицентарот на заразата

Светската здравствена организација (СЗО) денеска соопшти дека е стапката на преносливост на коронавирусот во Европа во моментов е „многу загрижувачка“ и дека континентот „повторно е во епицентарот“ на заразата. СЗО предупреди дека во Европа би можело да има уште половина милион смртни случаи од ковид-19 во февруари.

Најголем дел од вакцинираните кои починале од ковид имале проблеми со срцето.

Директорот на СЗО за Европа, Ханс Клуге, на онлајн конференција за новинари рече дека моменталната стапка на преносливост во 53 земји од европскиот регион е „многу загрижувачка“.

СЗО го објаснува зголемениот број случаи со недоволната вакцинација и попуштањето на епидемиолошките мерки.

Бројот на хоспитализации поврзани со ковид-19, како што наведува СЗО, е „повеќе од удвоен за една недела“.