Спорт плус
14. March 2016 - 0:16

Светскиот куп за Лара Гут

Совршен настап имаа скијачките од Швајцарија на последната комбинација оваа сезона која се одржа во Линцерхајде. Венди Холендер победи во комбинација и го освои малиот Кристален глобус во оваа дисциплина, додека Лара Гут која заврши на третата позиција го обезбедиголемиот Кристален глобус како вкупна победничка во Светскиот куп.
 
Холендер, во директниот дуел со сонародничката Гут славеше за 47 стотинки. Таа ја забележа втората победа во сезоната и воопшто во кариерата.
 
Задоволна по комбинацијата во Линцерхајде е и Лара Гут, која стана првата Швајцарка по пауза од 21 година која успеала да го освои Светскиот куп. Пред Гут, големиот Кристален глобус, во 1995 година, го освои Вероника Шнајдер.
 
Сезоната во Светскиот куп, во женска конкуренција, ќе заврши наредната недела во Сент Мориц каде ќе се возат три трки, во спуст, слалом и велеслалом.