Светот повторно во страв: северна Кореја тестира уште една балистичка ракета, Јапонците бараат засолниште

Северна Кореја денеска истрела балистичка ракета кон Јапонија, јави јужнокорејската новинска агенција Јонхап.

Проектилот бил ланнсиран од околината на градот Пјонгсонг и бил насочен кон Јапонија на исток.

Јужна Кореја и САД ја анализираат траекторијата на движењена ракетата.

Според кабинетот на јапонскиот премиер Шинѕо Абе, проектилот паднал во морето во територијалните води на Јапонија.

Северна Кореја изврши слични ракетни тестирање и во август и септември, при што ракетите прелетаа преку Јапонија и паднаа во Пацификот.

Севернокорејците се заканија со лансирање на проектил и кон американската воена база Гуам, по што претседателот на САД, Доналд Трамп директно им се закани со „оган и ужас“ доколку го сторат тоа.

Најновата проба доаѓа една недела откако САД повторно ја ставија Северна Кореа на списокот држави кои спонзорираат тероризам.