Свештеник во Сиера Леоне пронашол небрусен дијамант од 709 карати
Еден христијански свештеник во Сиера Леоне пронашол еден од досега најголемите познати небрусени дијаманти во светот.
Пасторот Емануел Момох сакпоцениот камен од 709 карати го ископал во регионот на Коно во оваа западноафриканска земја.
Според експертите за скапоцени камења, откриениот дијамант е еден од 20 најголемите дијаманти што кога било досега се откриени во светот.
Дијамантот е префрлен на чување во трезорите на Националната банка на Сиера Леоне во главниот град Фритаун.
Претседателот на оваа земја Ернест Баи Корома изрази задоволство што откриениот скапоцен камен останал во земјата и не е прошверцуван во странство.
Копањето и трагањето по скапоцени камења е раширена појава во Сиера Леоне, особено во областа Умару Фофана, која важи за подрачје богато со дијаманти и во која по нив трагаат специјалзирани фирми, но и многу поединци.
Последен пат волку голем дијамант во Сиера Леоне бил откриен во 1972 година.
Засега нема проценка колкава е пазарната вредност на откритието на пасторот Момох, иако се верува дека таа е голема и без да биде избрусен.
Медиумите кои ја пренесуваат оваа информации забележуваат дека не се знае дали свештеникот ќе добие некаков надомест за откритието, што според законот на земјата, му припаѓа.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан