Сушата во Индија за три недели однесе над 500 животи
Најмалку 500 лица ги загубија животите во Индија во изминативе три недели, како последица на големата суша предизвикана од невообичаено високите темепратури за овој период од годината, соопшти денеска индискиот Државен секретаријат за справување со последиците од елементарни непогоди.
Според Секретаријатот, како што јави ТАСС, големите горештини зафатиле огромен дел од територијата на Индија и предизвикале недостиг на вода за пиење за над 300 милиони жители во 256 окрузи во земјата.
- Состојбата е најтешка во сојузните држави Телангана, Одиша и Андра Прадеш. каде во последниве три недели починаа речиси 500 лица, се наведува во соопштението.
Во Одиша, каде како последица на жештините починале 198 лица, се измерени рекордни температири за овој период од годината од дури 48 степени Целзиусови.
- Претстојново лето ќе биде најтопло во последниве 100 години, при што максималните температури во јужните индиски држави може да надминат и над 48 степени, соопшти индиската метеоролошка служба.
Како последица на големите жештини лани во Индија животите ги загубија над 2.000 лица.
Според експертите, ваквите невообичаено високи температури во Индија се должат на локални аномалии засилени од влијанието на природниот феномен „Ел Нињо“.
Тие посочуваат дека ваквите аномалии се појавуваат циклично во интервали од две до седум години, предизвикувајќи еколошки катастрофи како суши или обилни поројни дождови.
Ново на Сител
-
Претседателката Сиљановска Давкова ја прими гувернерката на Народната банка, Анита Ангеловска-Бежоска
-
Истражување: Една од три жени немаат пристап до менструални производи поради високата цена
-
Гаши: Ќе се погрижам да го подигнам нивото на Собранието, да биде во служба на сите граѓани
-
Џафери ќе ја извршува функцијата технички премиер до изборот на новата влада
-
Скопјанец го нападнал градоначалникот на општина Шуто Оризари, полицијата извршила службен разговор со него
-
Сиљановска Давкова: Ќе го почитувам Преспанскиот договор, но го задржувам правото на слобода на изразување
-
Кацарска ќе даде осврт за претседателскиот мандат во Уставен, до крајот на месецов ќе се знае нејзиниот наследник
-
Африм Гаши избран за претседател на Собранието