Судот во Унгарија одлучува за екстрадицијата на Груевски

Поранешниот премиер Никола Груевски денеска е на рочиште во Судот Будимпешта, каде се одлучува за барањето поднесено од Министерството за правда на Република Северна Македонија за негова екстрадиција.

Медиумите во Унгарија објавија фотографии и видео од Груевски во судот, каде тој во судницата седи со наочари за сонце и капче. Дел од медиумите во Унгарија објавија дека Грувески утринава бил уапсен за одлучување по барањето за екстрација, а при доаѓањето во судот тој одел со рацете покрини со палто, следен од две лица.

Унгарските власти минатата недела го информирале Министерството за правда дека го добиле комплетираното барање за екстрадиција.

Груевски откако беше осуден на двегодишна затворска казна за предметот на СЈО, „Тенк“ пребега  и доби азил во Унгарија.

Јавното обвинителство го обвини Груевски дека ги организирал насилствата на 27-ми април во Собранието, а Министерството за правда ја испрати до унгарските власти новата екстрадиција и  за овој предмет.