Судири во Ереван, полицијата демантира дека уапсила опозициски пратеници
Судири меѓу полицијата и антивладини демонстранти избувнаа денеска во ерменскиот главен град Ереван, при што се уапсени повеќе од 70 лица, од кои двајца за наводно изработување на бомби.
Претходно беше објавено дека меѓу уапсените се наоѓаат и тројцата опозициски пратеници Никол Пашинјан, Арарат Мирзојан и Сасун Микаелјан, кои се и организатори на протестите. Веднаш потоа полицијата ја демантираше таквата информација, нагласувајќи дека тие „принудно биле отстранети од местото на протестот, со цел да се прекине незаконското собирање на активисти“.
Полицијата употреби специјални средства и насилно ги растерува демонстрантите.
Протестите против поранешниот претседател Серж Саркисјан, кој беше избран за премиер откако му заврши максималниот рок од два мандата како шеф на државата, траат веќе деветти ден. За време на неговото владеење тој го измени Уставот, менувајќи го уредувањето на земјата во парламентарна република, во која власта е во рацете на Владата.
Лидерот на ерменската опозиција Никол Пашинјан денеска се сретна со премиерот Саркисјан во хотелот Мериот во центарот на Ереван, но таа средба заврши неуспешно. Претседателот на ерменската Влада ја напушти средбата и го обвини Пашинјан за уцена.
Опозицискиот лидер му рекол на премиерот дека „дошол да разговараат за неговата оставка“, дека треба да го почитува законот, инаку ќе сноси одговорност и дека треба да ја сфати ситуацијата во земјата бидејќи власта е веќе во рацете на народот. Саркисјан, пак, му одговорил дека „тоа не е дијалог, туку уцена“, по што ја напуштил хотелската сала.
Десетици илјади луѓе вчера се собраа на Плоштадот на Републиката во центарот на Ереван.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот