Судир во „Големата коалиција“ за фискалната политика во ЕУ

- Треба да си го поставиме прашањето: Дали политичката штета која што ја трпиме е вредна за да ја спроведеме политичата на штедење, изјави денеска Габриел кој е и министер за економија и лидер на Социјал - Демократите кои што се помалата партија во германската владина коалиција.

 

Со оваа позиција Габриел искажува спротивна позиција во однос на министерот за финансии Волфганг Шојбле кој инсистира на стриктна фискална политичка и ригидно штедење меѓу членките на Еврозоната по секоја цена и се противи на фискални стимулации одобрени од Брисел.

 

Како што јави дописникот на МИА од Берлин, за разлика од Шојбле, Габриел вели дека Европската Комисија треба да дозволи повисок буџетски дефицит од договорениот ако некоја од членките се обврзе да спроведе структурни реформи.