Судир меѓу демонстрантите и полицијата во кинескиот град Дацин

Демонстрантите се судрија со полицијата за време на протест поради изградба на фабрика за алуминиум во северниот кинески град Дацин.

Неколку десетици демонстранти протестираа пред зградата на локалната власт поради изградба на фабрика, иако претходно беше објавено дека изградбата е стопирана. Пред локалната власт беа распоредени голем број полицајци.

Најмалку две лица се приведени, а на една жена и е пружена помош откако падна на улица, Но, се уште не е познато дали таа е повредена во судирот со полицијата.

Кинеските локални власти често објавуваат стопирање на проектите по протестите, но по неколку месеци дискретно ги обновуваат.