Судар на две возила во Автокоманда, тешко повредена сопатничка

Вчера во 11,00 часот на булеварот “Александар Македонски“ во Скопје се случила сообраќајна незгода помеѓу патничко моторно возило “Фолксваген Голф“ со скопски регистерски таблици управувано од А.А.(24) од Скопје и патничко моторно возило “Хјундаи Акцент“ со скопски регистерски таблици управувано од А.Т.(21) од Скопје.

Во незгодата со тешки телесни повреди се здобила сопатничката од патничкото моторно возило “Фолксваген Голф“ Н.А.(39) од Скопје која со возило на Итна медицинска помош била пренесена во Градската општа болница “Свети Наум Охридски“.

Се работи на целосно расчистување на случајот.