Стурџен: останувањето на Велика Британија во единствениот пазар и царински сојуз е единствен разумен избор

Шкотската премиерка Никола Старџен изјави дека ако Велика Британија ја напушти Европската унија, останувањето во единствениот пазар и членството во царинскиот сојуз се „единствениот разумен избор“ и додаде дека сега преговорите влегуваат во најтешката фаза.

- Навлегувањето во втората фаза од преговорите е добро, но ѓаволот е во деталите и сега работите стануваат навистина тешки. Ако Брегзит се оствари, (посакувам да не се случи), останување во единствениот пазар и царински сојуз е единствениот разумен избор. И секакви специјални договори за Северна Ирска треба да се однесуваат и на останатите народи во Обединетото кралство, напиша таа на Твитер.

Европската комисија и Велика Британија денеска се договорија дека преговорите за Брегзит можат да преминат кон втората фаза, односно кон трговијата.