Студија: Новиот коронавирус можно е да се ширел во Кина од август 2019 година

Новиот коронавирус можно е да се ширел во Кина од август 2019 година, според студијата на Харвард школата за медицина. Нивните тврдења се засновани врз сателитски слики на болнички патувања и податоци од пребарувачи, јавија американски медиуми.

„Зголемениот болнички сообраќај и податоците за пребарување симптоми во Вухан му претходат на документираниот почеток на пандемијата SARS-CoV-2 во декември 2019 година“, се вели во студијата.

„Не можеме да потврдиме дека зголемениот обем е директно поврзан со новиот вирус, но нашите докази ги поддржуваат неодамнешните истражувања кои покажуваат дека појавата (на новиот коронавирус) се случила пред да се идентификува на пазарот во Вухан“, потенцираат научниците.