Студенти од цела Европа во Охрид ќе се запознаваат со македонската култура
Повеќе од 150 студенти од триесеттина европски држави ќе бидат дел од проектот „OHRID Jam“ за културна размена што во организација на Меѓународната студентска организација „Борд на европски студенти по технологија (БЕСТ)“ од утре до 3 октомври ќе се одржува во Охрид.
Во рамки на проектот студентите од цела Европа ќе имаат можност преку најразлични активности поблиску да се запознаат со македонската култура и традиција. Предвидени се прошетки и истражувања низ градот Охрид, интернационална вечер, крстарење по Охридското Езеро, а пред се, да се дружат и разменуваат искуства со македонските студенти.
БЕСТ е непрофитна и неполитичка организација, која на студентите им дава можност да го прошират своето знаење за теми кои го надополнуваат нивното образование преку организирање академски курсеви, инженерски натпревари, симпозиуми за едукација, тренинзи и културни размени. Нивна интенција е континуирано да придонесува кон зближување на студентите од цела Европа, преку најразлични настани како академски курсеви, работилници и културни размени.
Ново на Сител
-
ПМФЛ: Силекс го победи актуелниот шампион, Вардар поразен и од Беса
-
Алаба не се откажува, почна да трча без болки во коленото
-
Шпанската крајбрежна стража спасила над 230 мигранти кај Канарските острови
-
Лавров: Изјавите на Бајден за намалување на нуклеарното вооружување без предуслови се измама
-
Нетанјаху во разговор со Трамп: Ќе носиме одлуки во наш национален интерес
-
Наутро со можна појава на магла, а преку ден претежно сончево
-
Сообраќајот без застои
-
САД го истражуваат протекувањето на строго тајни документи со детали за израелските планови за напад на Иран