Студено време со температури под нулата - од утре снег

Времето во Македонија ќе биде стабилно со ниски утрински температури кои на повеќе места ќе се спуштат под -10 степени. Кон крајот на денот облачноста ќе се зголеми. Претпладне по oдделни котлини ќе има појава на магла.

Најниските температури ќе се движат до -12 степени целзиусови, а највисоките до 5 степени. 

Во Скопје времето ќе биде променливо облачно со сончеви периоди и температура од -6 до 1 степен целизиусов.

Во вторник и среда ќе има повремени врнежи претежно од снег со слаб, а на места умерен интензитет, во крајниот југисточен дел од дожд и снег.

До крајот на следната работна недела дневните температури ќе бидат во опаѓање, а утринската ќе биде во пораст.