Свет
2. јуни 2016 - 18:11

Столтенберг: НАТО не бара конфликт со Русија, но ги зајакнува баталјоните во Источна Европа

Генералниот секретар на НАТО Јенс Столтенберг изјави денеска дека Алијанската не бара конфликт со Русија со тоа што ги зајакнува баталјоните во Источна Европа.

Столтенберг тоа го посочи на заедничката прес-конференција во Берлин со германската канцеларка Ангела Меркел.

- Ние ја зајакнуваме нашата колективна одбрана, не со цел да провоцираме конфликт, туку да спречиме, рече генералниот секретар на НАТО.

Столтенберг додаде дека „не сме во нова Студена војна“.

- Ние не сакаме конфликти со Русија. Напротив, се бориме за констртуктивни односи со Русија, наведе тој.