Стоилковски: Шест месеци ЈО нема никаква реакција по кривичната пријава на ВМРО-ДПМНЕ против Зоран Заев
Точно шест месеци Јавното обвинителство нема никаква реакција, соопштение, информации, што е сработено и дали воопшто е постапено по Кривичната пријава која што ја поднесе ВМРО-ДПМНЕ против премиерот на Република Македонија, Зоран Заев, кој што јавно на митинг во Крива Паланка повика на поткуп при избори што е спротивно на чл. 160 и чл.162 од Кривичен Законик и тоа е казниво дело.
Почитувани, согласно препораките од 2003 година од Комитетот на министри при Советот на Европа, до земјите членки за обезбедување на информации преку медиумите што се однесуваат на криминалните истраги, стои дека за истраги коишто се во интерес или привлекуваат големо интересирање во јавноста, властите би требало да ги информираат медиумите за нивните постапки, до оној степен што не би значело попречување или одложување на истрагата. Во случаи на подолги постапки, се заклучува во препораката, овие информации треба редовно да бидат доставени до медиумите.
Почитувани, кривичната пријава е поднесена на 18-ти септември, точно пред шест месеци лани, среде кампањата за референдумот, а и денес, шест месеци подоцна нема никаква информација. Според постапките на Јавното обвинителство, или сметаат дека кривичната пријава против премиерот за поткуп во изборни цели, за случај од вонредно значење или дека не предизвикува интерес, или за нив шест месеци не е долг период!
Почитувани, ВМРО-ДПМНЕ ја поднесе оваа Кривична пријава бидејќи Јавниот обвинител не постапи согласно надлежностите предвидени во чл. 39 од Законот за кривична постапка односно не отвори постапка против Зоран Заев по јавно допрен глас. Со Кривичната пријава го доставивме и видео материјалот на кој што се слуша како Зоран Заев јавно повикува на поткуп, каде што се слуша како признава дека еден бизнисмен, односно сопственикот на „Минстрој“, веќе му ветил на Заев дека ќе ги награди работниците доколку излезат на претстојниот тогашен референдум.
Почитувани, правото и правдата ќе се вратат, со масовна поддршка и гласови за Гордана Силјановска Давкова, со поддршка за ВМРО-ДПМНЕ на предвремените избори.
Ново на Сител
-
Тројца пратеници не делат од мнозинство за соборување на владата, вели Николоски
-
Николовски: Доколку Пендаровски го потпише Законот за попис ВМРО-ДПМНЕ ќе собере над 10.000 потписи од граѓани
-
Фајзер ја тестира својата вакцина за можна употреба кај деца
-
Дали е конечно затворено прашањето околу употребата на придавката македонски?
-
АстраЗенека: Испораките на вакцината за ЕУ ќе бидат помали од предвиденото
-
Заев: Во најскоро време се очекуваат првите вакцини од „Фајзер“
-
СП Ракомет: Пораз од Русија со 12 гола разлика
-
Џонсон: Новата британска варијанта на Ковид-19 може да биде посмртоносна