Тенис
31. May 2016 - 18:14

Стоилковска со неверојатни пресврти во двата сета победи во 1.коло во Хамамет

Македонската тенисерка Магдалена Стоилковска успеа да се пласира во 2.коло на фјучрсот во Хамамет Тунис. Таа во мечот од 1.коло со два неверојатни пресврти стигна до победа од 2-0 во сетови (6:4 и 7:5 во гемови). Мечот траеше 1 час и 52 минути.

Стоилковска која настапува со „вајлд карта“ ја победи квалификантката Дарија Чернецова. Противничката во првиот сет поведе со 3:0 во гемови, а Стоилковска освои пет гема во серија за водство од 5:3 и сетот го доби со 6:4. Во вториот сет Чернецова водеше и со 5:0 во гемови, но нашата тенисерка имаше серија од седум гема за победа во мечот.
Во следната рунда ќе игра со победничката од мечот Франческа Џонс (Велика Британија) - Жаде Сувријн (Франција, 6.носителка).