Стечајните управници со лиценци до 64 години ќе преполагаат
Министерот за економија Крешник Бектеши соопшти дека согласно Законот за инсолвентност, сите стечајни управници кои имаат лиценци ќе преполагаат, но не и оние што имаат над 64 години. Тие, како што нагласи, немаат право да полагаат.
-Само во Северна Македонија се случува во последните години, за жал, со секоја почит, стечајни управници со над 70 години да водат милионски предмети и да ги одложат, а ние не сме веќе деведесеттите години кога се направени приватизациите, туку сме во 21 век и согласно одредбите, очекувањата од 21 век, така ќе постапиме, рече Бектеши одговорајќи на новинарски прашања по денешната 6. седница на Мешовитата комисија за економска соработка помеѓу Северна Македонија и Република Турција.
На прашањето дали „Балкан јутилитис“ ќе тргува и со струја во земјава, Бектеши истакна дека одговорот треба да се бара во Регулаторната комисија за енергетика (РКЕ).
-За „Балкан јутилитис“ треба да се обратите во РКЕ, бидејќи таму се доставуваат барања за добивање лиценца. Немам такви информации, најверојатно ќе ве известат во текот на денот, истакна министерот.
Во врска, пак, со одлуката да не се зголемат платите во Министерството за финансии за 30 отсто, одговор, според Бектеши, треба да се бара во самата институција или кај ресорниот министер Фатмир Бесими.
Бектеши рече дека не присуствал до крај на вчерашната владина седница кога помина ваквата одлука, односно дека, како што рече, веќе не бил таму кога се отворило тоа прашање.
-За ова прашање треба да се обратите до Министерството за финансии или лично до министерот Бесими. Да бидам искрен, не бев на вчерашната владина седница до крај, а додека бев таму темата не беше отворена. Одлуката е на Бесими, во делот на тоа како одлуките ги носи МФ и немам некаков одговор. Јас како м за економија секогаш сум за да се згоелмат палтие и во приватниот и во јавниот сектор, и тоа треба да се направи согласно законските одредби, напомена Бектеши.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово