Стартува со работа акцелераторот за конкурентност и иновации на Западен Балкан
Претседателката на Советот за регионална соработка Мајлинда Брегу денеска истакна дека започнува со работа акцелераорот за конкурентност и иновации на Западен Балкан, што, како што наведе, не е нешто материјално, туку е збир од идеи, алатки и инструменти кои кои ќе овозможат разлика меѓу регионот и другите земји по прашањето за иновативноста и конкурентноста, јави известувач на МИА од Тирана.
Таа, со останатите учесници на денешниот Самит на раководители на акцелераторот за иновации и конкурентност, размени идеи за идните активности на акцелераторот, во чиј фокус ќе бидат истражувањата, размената на искуства, како и соработката меѓу земјите.
– На Западен Балкан, околу 0,4 проценти од БДП се вложуваат во иновации. Во останатите земји таа стапка е многу повисока. Ако сакаме да бидеме поуспешни и до вложуваме во нови технологии, мораме да го зголемиме тој процент, односно 1,5 отсто од БДП да се вложува во економски раст и развој на иновации, посочи Брегу.
Мартина Ларкинс, член на Извршниот одбор на Светскиот економски форум, нагласи дека првпат таков акцелератор се основа во овој дел од светот.
– Податоците од извештаите за конкурентност покажуваат дека стапката на раст во регионот е во нагорен тренд, но треба да се работи повеќе, истакна Ларкинс.
Таа посочи дека во регионот постојат други проблеми, како надворешната трговија и стапката на невработеност.
– Меѓутоа тие проблеми можеме да ги решаваме преку унапредување на иновациите и конкурентноста во регионот, а особено преку заедничко решавање на проблемите и унапредување на јавно-приватното партнерство, како и преку заедничка работа со граѓаните, потенцираше Ларкинс.
Ново на Сител
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи