Стартна победа за македонските млади кошаркари

Македонската кошаркарска репрезентација (играчи до 14 години) со победа го отвори турнирот „Словенија Бол“, откако денес ја победи првата од двете домашни селекции пријавени за настап.

 

„Црвено-жолтите“ одиграа одличен натпревар во кој уште од почетокот наметнаа свој ритам на игра, доминираа со агресивноста по целиот терен и на крајот славеа со убедливи 79:56 (30:18; 15:14; 22:13;12:11).

 

Андреј Митревски со 13 и Дино Боцевски со 12 поени беа најефикасните кај Македонија.

 

Во вечерниот термин (20:15 часот) младите македонски репрезентативци ќе си ги одмерат силите со селекцијата на Израел.