ССМ ќе го одбележи Светскиот ден на пристојната работа
Сојузот на синдикати на Македонија со низа активности ќе го одбележи 7 Октомври - Денот на пристојна работа.
Планирано е да се одржат промоции, семинари и тркалезни маси посветени на значењето на пристојната работа, сигурните работни места и социјалната сигурност.
- Денес соочени со економски кризи и со опасноста од глобализацијата на капиталот, корпоративната алчност на компаниите и нерамноправната распределба на добивката, ќе го мобилизираме своето членство за остварување на правото на колективно преговарање и синдикално организирање, за сигурни работни места и достоинствени плати, социјална заштита за сите, остварување на темелните човекови права, демократија и социјална правда, безбедни услови при работа, заштита на посебната категорија работници, жени, лица со посебни потреби и здрава животна средина. ССМ и оваа година посветено ќе работи на остварување на Националната програма за пристојна работа 2015-2020, се наведува во соопштението од ССМ.
Според претседателот на ССМ, Живко Митревски, достоинствената работа мора да се заснова врз верувањето дека секое современо општество треба да обезбедува нови вработувања, социјален напредок и развој, достоинствен живот, еднаков третман и еднакви можности за сите за продуктивна работа и личен и општествен развој проследен со достоинствено платен труд и социјална и материјална егзистенција.
Идејата и концептот за пристојна работа произлегуваат од Меѓународната организација на трудот, промовирани во 1999 година, на 87. Меѓународна конференција на трудот. Идејата за пристојна работа е прифатена на Светскиот самит на Обединетите нации во 2005 година, а потоа и од Економско-социјалниот совет на Обединетите нации (ЕЦОСОЦ) во 2006 година. На Светскиот социјален форум одржан во Најроби е покрената кампања „Пристојна работа, достоинствен живот“ и 7 Октомври е погласен како Светски ден за пристојна работа.
Ново на Сител
-
Тема на денот со Тимчо Муцунски, потпретседател на ВМРО-ДПМНЕ
-
„Македонија во чест на Свети Кирил“ - Претседателката се сретна со Папата
-
Македонците се условени да прифатат диктат откажувајќи се од самите себе, вели историчарот Панов
-
Преговорите за Влада во напредна фаза се уште нема конечен договор за Министерствата
-
Македонија во фокусот на грчката јавност
-
Продолжува хаосот на хирургија - 6ти ден не работат операционите сали
-
57 вработени на Токсикологија бараат одговорност од организациската директорка Бесија Иљази
-
Импровизираниот луна парк се уште не се демонтира - На потег УЈП и ДПИ