ССМ бара итно решавање на политичката криза
Сојузот на синдикатите на Македонија (ССМ) бара од надлежните политички субјекти итно решавање на политичката криза и, како што наведува во Првомајскиот проглас, создавање услови за нормален развој на државата и реализација на евроинтегративните процеси.
Барањето за решавање на политичката криза го потврди и претседателот на ССМ Живко Митревски пред денешната тркалезна маса за заштита при работа.
- Апелираме политичката криза што е можно побрзо да се реши за да се обезбедат понормални услови во делот на спроведувањето на евроинтеграциските процеси на Република Македонија, обезбедување постабилни услови за работа на работниците и граѓаните во Република Македонија, изјави Митревски.
Како што стои, пак, во Првомајскиот проглас на ССМ, синдикатите денес се исправени пред силни предизвици наметнати од неолибералните политики од се уште присутната економска криза, а во Македонија се дополнително исправени и пред сериозната политичка криза.
- Во овој контекст синдикалната борба станува еден од најзначајните фактори во мобилизирањето на сите синдикални сили врз основа на принципот на единство, солидарност и доверба да ги остварат социјалните и економските права на работниците, да ги унапредат работничките права, да ја елиминираат нееднаквоста, да го збогатат социјалниот дијалог, да остварат вклученост на синдикатите во креирањето на социјално економските политики и генерално да обезбедат сигурни работни места и спроведување на индустриска демократија, стои во Прогласот.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО