Српски медиуми: Заев и се заблагодари на Србија за новата пратка на вакцини
Премиерот Зоран Заев и се заблагодари на Србија за новата пратка вакцини против коронавирусот, објавија повеќето српски медиуми.
Како што јави дописникот на МИА од Белград, Заев на Фејсбук во име на македонската Влада и граѓаните упати „искрена благодарност до народот на пријателска Србија, до претседателот Александар Вучиќ и до премиерката Ана Брнабиќ за овој гест на разбирање, солидарност и поддршка во борбата со пандемијата“.
– Нашата взаемна грижа и поддршка продолжува и понатаму како традиционално пријателски народи и добри соседи посветени на нашите заеднички светли перспективи за кои имаме многу блиски допирни точки, напиша Заев.
Тој на својот Фејсбук профил потсетува дека во земјава од Србија денеска пристигна вториот дел од пратката вакцини против коронавирус со 3.510 дози, односно дека досега од Србија пристигнале вкупно 8.190 дози на „Фајзер-Бионтек“.
– Заедно со претходните 4.680 дози, имаме доволно за имунизација на здравствените работници, нашите херои на првата линија во борбата со ковид-19, наведе Заев во објавата.
Ново на Сител
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија