Српската Влада ја укина вонредната состојба во земјата

Српската Влада денеска усвои Одлука за укинување на вонредната состојба на територијата на Србија, која е воведена на 10 март поради поплавите.

Одлуката е донесена по предлог на Републичкиот штаб за вонредни ситуации, јави српската агенција Танјуг.

Усвоена е и одлуката за прогласување прекин на елементарната непогода, соопшти Владата во Белград.

Водата во повеќето реки, со исклучок на Јужна Морава, се повлекла во коритата.

Експерти вршат проценки на штетите, предизвикани од водената стихија.