Средба Поповски-Жбогар
Министерот за комуникации, отчетност и транспарентност Роберт Поповски денеска се сретна со еврамбасадорот Самуел Жбогар.
На средбата, како што соопшти владината прес служба, се разговарало за неопходните медиумски реформи кои се меѓу приоритетите во реформскиот акциски План 3 – 6 – 9 на Владата.
- Нашата цел е да овозможиме професионално работење на јавниот сервис, МРТВ, медиумите и Агенцијата за аудио и аудиовизуелни медиумски услуги, затоа што граѓаните имаат право на објективни, навремени и точни информации, рекол министерот Поповски.
Министерот Поповски нагласил дека за новиот Закон за медиумите Владата отворила широка дебата којашто, како што се наведува, ги опфаќа сите засегнати страни, како и општествената јавност, а се земаат предвид и европските искуства.
На средбата била поздравена одлучноста на Владата за транспарентно и отчетно работење на владините и државните институции, како европска демократска вредност и во интерес на граѓаните на Република Македонија.
Ново на Сител
-
Две тела пронајдени во запален стан во Нови Сад
-
Царинска управа: Спречено криумчарење на два тона месо штетно за здравјето на граѓаните
-
Воз удрил во автомобил во Драчево
-
Драматично спасување на заробен човек во длабока тиња и кал во реката Пчиња
-
Орбан неочекувано ја посети Кина
-
Детали од вчерашната сообраќајка во Охрид - Загина 23 годишен мотоциклист
-
Водата во Скопје безбедна за пиење
-
Пожар зафати објект во росоманско Крушевица