Средба Попоски-Коѕиас во Солун
Билатералните и економските односи меѓу Македонија и Грција, напредокот во спроведувањето на мерките за градење доверба и проблемите во регионот беа главните теми за кои денеска во Солун разговараа министрите за надворешни работи Никола Попоски и Никос Коѕиас.
Ова за МИА го потврди и претставник на грчкото Министерство за надворешни работи, кој додаде дека средбата помина во многу добра атмосфера.
Коѕиас пред средбата изјави дека со Попоски нема да разговараат за прашањето за името.
Во врска со мерките за градење доверба Коѕиас потсети дека досега имаше две рунди средби и разговори за мерките.
- Петрос Мавроидис, политичкиот директор (на Министерството за надворешни работи) ќе биде на 25 април во Скопје за третата рунда разговори за мерките за градење доверба. Веќе се имаме договорено за 11 мерки и се додаваат и нови, кои се за подобрување на развојот на економските и општествените врски, рече грчкиот министер и додаде дека покрај мерките за градење доверба веќе е започнато „нешто кое во меѓународната дипломатија се нарекува политички дијалог со оваа држава“.
Ново на Сител
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци