Средба на Трајанов со Бејли
Претседателот на Демократски сојуз Павле Трајанов денеска остварил средба со амбасадорот на САД, Џес Бејли, на која биле разменети мислења за актуелната политичка состојба, за бегалската криза како и за претстојните парламентарни избори.
Како што соопштија од ДС на средбата во седиштето на партијата била нагласена потребата од обезбедување на избалансирано и објективно информирање од страна на медиумите, прочистување на избирачкиот список, како и одвојување на партиите од државата, сè со цел да се обезбедат услови за фер, демократски и кредибилни избори.
-Демократскиот сојуз се залага за тоа креаторите на политичката криза да понесат одговорност, при што инсистира Специјалното јавно обвинителство да работи професионално и одговорно и да престанат блокадите и опструкциите од државните институции во извршувањето на неговата функција, се наведува во соопштението на ДС.
Трајанов, посочил дека Демократскиот сојуз, во соработка со други партии и граѓански асоцијации, се подготвува за учество на претстојните парламентарни избори.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228