Средба на Попоски со делегација на групата на социјалистите во Европскиот парламент
Министерот за надворешни работи Никола Попоски денеска имаше средба со делегација на групата на социјалистите во Европскиот парламент предводена од нејзиниот претседател Џани Питела од Италија и потпретседателот Кнут Флекенштајн од Германија.
На средбата беа разменети мислења за актуелната политичка ситуација во Македонија, нејзината европска перспектива, како и за предизвиците во справувањето со мигрантската криза, соопшти МНР.
Претседателот на групата на социјалистите Питела ја реафирмираше поддршката на Европскиот парламент и неговата политичка група за европскиот интегративен процес на Македонија. Беше истакната важноста од целосно имплементирање на политичкиот договор и спроведување фер и демократски избори во април 2016 година, што би го отворило патот кон отпочнување на преговорите за членство во Европската унија.
Соговорниците изразија согласност дека конструктивното политичко опкружување во Република Македонија е многу значајно за избегнување на дополнителни пречки на патот кон ЕУ.
Министерот Попоски изрази благодарност за поддршката што Македонија ја добива во повеќе наврати од Европскиот Парламент во правец на отпочнување на преговори за членство во ЕУ. - Посакуваме поддршката да биде преточена во одлуки од страна на Советот на ЕУ, што сериозно би го зацврстило кредибилитетот на ЕУ перспективите за РМ, констатираше тој.
Осврнувајќи се на кризата со бегалците, беше нагласена конструктивната улога на Македонија во справувањето со ситуацијата, како и потребата од зајакната соработка и координација со соседните земји и ЕУ. - Нема долгорочно решение без решавање на кризата во Сирија, истакнал меѓу другото министерот Попоски.
Ново на Сител
-
Пронајдена експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар