Средба на Могерини со Вучиќ и Тачи
Високата претставничка на Европската унија за надворешна политика и безбедност Федерика Могерини денеска во Брисел ќе има неформална средба со претседателите на Србија и на Косово, Александар Вучиќ и Хашим Тачи.
Како што јави Танјуг, повикувајќи се на дипломатски извори во Брисел, предвидено е на средбата да бидат разменети мислења за продолжување на дијалогот за нормализација на односите меѓу Белград и Приштина, како и за случувањата во регионот на западен Балкан.
Со ваквата средба, дијалогот меѓу Белград и Приштина продолжува на претседателски ниво, откако последниот состанок меѓу претставници на двете страни се одржа на техничко ниво на почетокот на февруари. Дијалогот изминативе месеци беше замрзнат, поради претседателските избори во Србија и вонредните парламентрани избори во Косово.
Минатата недела за време на Самитот на Процесот за соработка во Југоисточна Европа во Дубровник, Могерини најави дека тема на денешната средба ќе биде продолжување на дијалогот, но и имплементацијата на досегашните договори.
- Во изминативе две и пол години, во кои тесно соработувам со лидерите на девет страни, кај ни видов јасна определба и посветеност (на дијалогот), како и огромни чекори напред. Тие знаат дека иднината на нивните земји и интеграцијата во ЕУ се поврзани со напредокот во дијалогот и пред се со имплементација на договреното, порача Могерини.
Директорот на Канцеларијата за Косово и Метохија при српската Влада, Марко Ѓуриќ изјави дека очекува средбата на Вучиќ и Тачи во Брисел да доведе до „релаксирање на тензиите“, како и до спорведување на договореното.
Ново на Сител
-
И Грците не планираат, но не исклучуваат средба Мицотакис - Мицкоски на НАТО самитот во Вашингтон
-
Струмичанецот каснат од пајак “Црна вдовица” закрепнува на Токсикологија
-
Кумановец едвај се спаси, со часови тонел во жива кал крај Пчиња
-
За некористените и скапи акцелератори, Таравари ќе побара помош и од обвинителство
-
Преглед на вестите од светот
-
Мотоциклист загина при судар со автобус на патот Охрид-Ресен
-
Меџити: Гаши и Мицкоски со различна агенда се во Вашингтон
-
Богатото македонско културно наследство честа мета на крадците