Средба на Мицкоски со еврокомесарот Хан
Претседателот на ВМРО-ДПМНЕ Христијан Мицкоски денеска оствари средба со еврокомесарот за соседска политика и преговори за проширување Јоханес Хан, на која било разговарано за политичката состојба во државата, евроантлантските интеграции на Македонија како и актуелниот референдум за договорот со Грција.
Мицкоски, како што информираат од ВМРО-ДПМНЕ, на средбата истакнал дека за Македонија членството во НАТО и во ЕУ е од стратешки и државен интерес.
Потенцирал дека договорот со Грција е штетен за Република Македонија и затоа истиот е неприфатлив за ВМРО-ДПМНЕ, односно надвор од познатите принципи и начела на партијата. Тој го повтори ставот на партиските органи во однос на референдумот дека граѓаните се доволно зрели и достоинствени за сами да ја донесат одлуката како ќе постапат на 30 септември.
Од страна на ВМРО-ДПМНЕ биле повторени критиките за владата на СДСМ и Зоран Заев, чие работење го одбележуваат секојдневни криминални афери.
Соговорниците, се вели во соопштението, изразиле согласност, дека евроатланската интеграција е клучен фактор за стабилност и просперитет во балканскиот регион како и дека е потребна поддршка во насока на реформи кои се од значење за остварување на тие стратешки цели на Македонија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање