Средба Маричиќ-Реџепи: Стабилно мнозинство и стабилна Влада се клучни за преговорите со ЕУ
Евроинтеграцискиот процес на земјава и потребата од продолжување на реформите, била тема на разговор на средбата на министерот за правда Бојан Маричиќ со пратеникот Кастриот Реџепи.
– Стабилно мнозинство и стабилна Влада се клучни во месеците кога се прават големи напори за отворање на преговорите со Европската Унија. Со пратеникот Кастриот Реџепи се согласивме дека ни престои навистина важен период во евроинтегративниот пат, а потребата од продолжување на реформите е голема, напиша на Фејсбук министерот Маричиќ.
Пратеникот Кастриот Реџепи од движењето БЕСА на 11 ноември не се појави на собраниската седница за гласање недоверба на Владата. Тој на својот фејсбук профил напиша дека донел таква одлука со цел да се задржат стартешките и витални цели на државата и дека една од неговите клучни цели е евроатлантската интеграција на земјава. Со недоаѓањето на Реџепи на собраниската седница опозицијата не можеше да обезбеди кворум.
Ново на Сител
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада