Србија се затвора до 22-ри март

Србија се затвора до 22-ри март. По рестрикциите викендов, Кризниот штаб одлучи да ги продолжи мерките. Полициски час нема да има и граѓаните ќе може слободно да се движат. Но од утре ќе работат само продавниците за храна, бензинските и аптеките како и банките и прозводствените капацитети. Се затвораат сите кафулиња, ресторани и спортски објекти. Градинките остануваат отворени, а основците ќе се префрлат на онлајн настава. 

„Треба дополнително да го забавиме животот во Србија со цел да видиме дека бројките на новозаразените стагнираат. Ова е пред сè поддршка на нашите здравствени работници. Ова е компромисно решение затоа што мерките се општи, но во моментот тие се на сила пет дена, иако медицинскиот дел бараше најмалку 14 дена.

Брнабиќ посочи дека вакцинацијата е единствениот излез од здравствената криза. Апелираше граѓаните да ги почитуваат мерките бидејќи од тоа зависи дали рестрикциите ќе продолжат и од понеделник. 

Српските епидемиолози велат дека моменталната состојба во земјата не е само поради непочитување на мерките. Бројот на новозаразени рапидно расте и поради британската мутација на вирусот која е се почеста кај младата популација. 

Здравствените власти порачаа дека комплетното затварање е единствениот начин да се сочуваат животите и здравствениот систем. 

Поригорозни мерки најави и Црна Гора. Таму на сила е полициски час од 21 часот до 5 наутро. Епидемиолозите алармираат дека само со целосно затварање ќе има резултати. За слични рестрикции размислуваат ид другите земји од регионот.