Србија ќе добие еден милион евра од ЕУ за борба против климатските промени
ЕУ преку претпристапните фондови ќе финансира еден милион евра за проект во Србија, насловен како „Стратегија за климатските промени со план за дејствување“ и ќе трае 18 месеци.
На конференција во Стопанската комора на Србија е истакнато дека целта на проектот е да се подготви стратегија за борба против климатските промени и план за дејствување на Министерството за земјоделство и заштита на животната средина.
Шефот на делегацијата на ЕУ во Србија, Мајкл Девенпорт изјави дека приоритет на ЕУ е намалување на последиците од климатските промени, додавајќи дека Србија е важен партнер во тој однос. Тој нагласи дека ЕУ има обврска да ја намали емисијата на штетни гасови со ефект на стаклена градина за 20 отсто до 2020 година, а до 2050 година тоа намалување да достигне над 80 проценти.
Вкупната помош на ЕУ за Србија, која е наменета за животната средина од 2000 до 2016 година е околу 700 милиони евра, а планираната идна помош во таа област се оценува на 42,5 милиони евра.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан