Спроведени се само 30 отсто од мерките за справување со аерозагадувањето

Спроведени се само 30 отсто од мерките предвидени за годинава за справување со аерозагадувањето покажува истражувањето на здружението Еко-свест.

 

Оттаму велат дека треба да се намали потребата од електрична и топлинска енергија, а клучот за тоа е децентрализираното производство.

 

Се уште голем проблем се оние државни објекти кои се грејат на мазут и на дрва, но според заменик министерот за животна средина Јани Макрадули во тек е менувањето на нивните извори на енергија.

 

Според Макрадули во 45 објекти во државата децата нема да бидат загадени поради тоа што е променет изворот на енергија. Тој вели дека во 38 објекти годинава ќе бидат 38 прочистувачи.

Денешната пред-конференција на заменикот министер беше прекината од неколку еко активисти кои порачаа дека бизнисмените се богатат, а граѓаните се трујат.

 

Податоците на здруженијата покажуваат дека 16 термоелектрани на Балканот загадуваат исто колку и 250 електрани во Европа.

 

Годишно во Европа 400.000 луѓе прерано умираат како последица на аерозагадубањето.